Неверојатен случај во Фиџи: 40 килограми кокаин чувани како доказ во суд исчезнале и биле заменети со брашно
Речиси 40 килограми кокаин, чувани како доказ во Високиот суд во Сува, Фиџи, исчезнале, а дел од пакетите биле заменети со брашно.
Дрогата била запленета во 2019 година во случајот против фиџиско-канадскиот државјанин Џошуа Азиз Рахман. Станувало збор за околу 39,5 килограми кокаин, чија вредност се проценувала на околу 31 милион фиџиски долари.
При проверка на доказите на 15 септември било утврдено дека недостигаат седум плочки кокаин. Потоа биле направени форензички анализи и на преостанатите пакети, при што било откриено дека ниту еден од нив повеќе не содржи кокаин.
Полицијата соопшти дека со доказните предмети било манипулирано и дека истрагата е насочена кон лицата кои имале директен пристап до судскиот трезор. Идентификувани се шест лица од интерес, а едно од нив во моментот се наоѓа надвор од земјата.
Дополнително, било утврдено дека дел од безбедносните камери не работеле, а проблеми имало и со системот за контрола на пристап.
Случајот предизвика големи реакции во Фиџи, особено затоа што претходно годинава од друг судски предмет исчезнале уште 12,9 килограми запленет кокаин.
Ново на Сител
-

Новите технологии ја менуваат стоматологијата
-

Нелојалната конкуренција останува сериозен предизвик за агенциите за недвижности
-

Тема на денот со Бојан Стојаноски, пратеник од ВМРО-ДПМНЕ
-

Михаилова во тајни снимки тврди дека била уценувана од бугарските служби
-

Случајот Михаилова ја отвори пандорината кутија во Бугарија
-

ЕСМ ќе ја достави до Влада новата цена на струјата следната недела – тогаш ќе се знае и новата цена на парното
-

Кој е виновен за влезот на Алта банка? Политичките партии со меѓусебни обвинувања
-

Брза помош интервенирала на десетина колапси во Скопје поради пролетните температури во ноември
