Шумарскиот институт издаде привремена забрана за дрвосеча на Јабланица

Привремена забрана за дрвосечата на планината Јабланица издаде шумарскиот институт. Инспекторите  на терен констатирале негрижа на боровата шума а од еколошкото здружение од Лабуништа Натура Лаб пак велат дека борбата не застанува тука бараат Јабланица да биде прогласена за национален парк.

Лабуништани бараат засилени контроли на терен и од шумската и од граничната полиција за да се спречи масакарот на Јабланица.

Проблемот со пустошењето на шумата трае со години па поради тоа жителите од Лабуништа, Подгорци, Боровец, и Октиси стравуваа од евентуални свлечишта но и секнување на изворите од каде се снабдуваат со вода за пиење.