Анализа: Дали е целисходно постоењето и работата на македонско – бугарската историска комисија?

Постигнувањата на мешовитата историска комисија зависат од политичките односи меѓу Македонија и Бугарија. Ова е ставот на дел од историчарите во двете држави откако подолг период работата на комисијата тапка во место.

„Мојот впечаток базиран на резултати или кругот на резултати од работата на таа комисија, размислувајќи на луѓето кои беа избрани, можам да зборувам за бугарскиот дел од комисијата, попрво создава проблеми, отколку да ги решава. Затоа не очекувам некаква позитивна промена во работата на комисијата и достигнување на позитивни резулати во блиска иднина при задржување на истиот состав од двете страни“, изјави Владимир Владимиров, Историчар од Бугарија.

„Од самиот факт што комисијата е политички формирана, е формирана од страна на политиката со цел да испорача политички резулати, а не историски, уште од самиот старт беше осудена на пропаст“, изјави Тодор Чепреганов, Историчар од Македонија.

Владимиров и Чепреганов, сметаат дека комисијата нема да има напредок се додека нивната работа е под политичко влијание.

„Мислам дека политиката премногу им се мешаше на членовите на комисијата и тоа дадe лош резултат. Да ги оставиме како колеги, професионалци да работат со документи“, вели Владимиров.

„Последниот состанок и овој предпоследниот  и овој сега гледаме дека се случуваат многу мирно, нема никаква транспарентност од страна на комисиите во однос на она што е кажано и дали е нешто договорено. Ме плаши дека повторно може да има некои изненадувања во однос  на негација на македонската историја и повторно барање начини како да се оправда постоењето на комисијата“, вели Чепреганов.