Царина ќе истражува пропусти кај цариниците, ама не кажува колку мобилни биле пронајдени во запленетото комбе

Царината трет ден не открива колку мобилни телефони броела пратката пронајдена во комбе, но најавува одговорност. Се истражуваат пропусти кај цариниците, а велат, ќе поднесат и кривична пријава.

„Станува збор за утврдени неправилности односно несовпаѓање во увозната декларација и фактичката состојба утврдена со контрола на товарното моторно возило со стока во количина од 1,2 тона меѓу којашто се и мобилни телефони и компјутерска галантерија, поради што и возилото беше пломбирано и задржано на детална контрола од страна на Царинската управа“, велат од царината.

Според опозициската ВМРО-ДПМНЕ, во шверцот на скапи телефони е вмешана власта. Тврдат дека без полицијата мобилните без палтени царински давачки ќе завшелче на пазарот по цена од 500 до 1.000 евра. 

„Комбе полно со скапи телефони, т.е. со пакети тешки 1.200 кг е фатено на автопатот Петровец - Скопје откако веќе ја поминало Царината која евидентирала дека истото превезува друга стока, а не телефони. Да не била акцијата на полицијата 1.200 кг скапи телефони ќе завршеле на црниот пазар“, велат од ВМРО-ДПМНЕ.

Царината демантира, акцијата била заедничка, а возилото било сопрено бидејќи полициајта се сомневала дкеа во него се превезува дрога. Проверката како што велат од Царината не открила нарокитици, ама ги пронашла шцерцуваните мобилни телефони кои чинат од 500 до 1.000 евра.