РСБСП: За време празникот 8 Декември, возете безбедно - стигнете сигурно!

По повод претстојниот празник 8 Декември – Денот на Свети Климент Охридски, а со оглед на тоа што претстои продолжен викенд и се очекува зголемен интензитет на сообраќајот на патиштата, особено на патните правци кои водат до туристичките места. Поради тоа, повикуваме на зголемена внимателност и одговорно учеството во сообраќајот.

Со цел безбедно пристигнување на саката дестинација, РСБСП апелира до сите учесници во сообраќајот да ги почитуваат сообраќајните правила и прописи, да ја прилагодат брзината на движење согласно состојбата и условите на патот, да користат сигурносен појас, да не консумираат алкохол доколку планираат да возат, да ја проверат техничката исправност на возилото и истото да го подготват за патување во зимски услови, да ја поседуваат пропишаната законска зимска опрема и навремено да се информираат за состојбата на патиштата.

Републичкиот совет за безбедност на сообраќајот на патиштата потсетува дека празниците се време за создавање спомени и доживувања, семејни средби и дружење, а не време за непромислени одлуки кои може да завршат фатално.

Наша заедничка цел е секој граѓанин да пристигне безбедно на саканата дестинација.

Возете внимателно - секој живот е важен!