Запален луксузниот „Брабус“ на Бака Прасе вреден 500.000 евра | ФОТО

Луксузниот автомобил на српскиот јутјубер Бака Прасе, „Брабус“ вреден околу 500.000 евра, изгорел рано утринава пред неговата зграда во елитната населба Белград на вода.

Автомобилот бил запален додека бил паркиран пред објектот каде што живее јутјуберот. Огнот зафатил предниот дел од возилото, а драматичната сцена Бaка Прасе ја снимил од прозорецот на својот стан и ја објавил на социјалните мрежи.

„RIP BRABUS 2023–2026“, напиша тој во објавата.

Засега нема официјални информации за причините за пожарот, а надлежните органи вршат увид и истрага за целиот случај.