Акција на Task Force: Прегледани 197 возила и 295 лица, пронајдени 79 пакувања дрога и „Глок 17“

Во рамки на засилените активности за сузбивање на недозволената трговија со дрога, полицискиот Работен тим (Task Force) спроведе координирани акции на територијата на целата држава.

Во текот на викендот биле извршени 13 претреси, при што полициските службеници извршиле проверки на 197 возила и 295 лица.

Како резултат на акцијата, од слобода биле лишени 13 лица, а биле пронајдени и одземени 79 пакувања со наркотични материи.

При активностите бил пронајден и пиштол „Глок 17“ со муниција.

Од Министерството за внатрешни работи информираат дека продолжуваат со континуирани акции насочени кон откривање на сторители, разбивање на криминални мрежи и спречување на нелегалната трговија со дрога.