Обвинителството бара притвор за осомничените од гостиварски „Комуналец“, се соочуваат со најмалку четири години затвор

Обвинителството бара притвор за тројцата осомничени од гостиварски „Комуналец“, а не е исклучено истрагата да биде проширена и на други лица.

Притвор се бара за в.д. директорката на Комуналец, Артана Асани, за раководителот на Одделението за водовод, Вадедин Даути и техничкиот директор на јавното претпријатие „Комуналец“-Гостивар, Леон Мезини кои денеска се изведени пред судија.

Тројцата се сомничат за тешки дела против животната средина предизвикани со загадување на водата за пиење.

Од Обвинителството на денешниот брифинг во Гостивар рекоа дека казните за ова кривично дело се миниум четири години затвор.

Надлежен обвинител во истрагата е Хазби Исени од ОЈО Гостивар.