Ангелов: Пожаpот се прошири и зафати делови од прилепското село Чаниште, нема жртви и повредени
Пожарот што избувна попладнево во близина на прилепското село Чаниште, се прошири и навлезе во делови од него и притоа, според првичните информации изгореле неколку стари куќи и една во која живееле повозрасни лица. Нема повредени мештани и пожарникари. Директорот на Дирекцијата за заштита и спасување Стојанче Ангелов во вовредна изјава за медиумите изрази сомнеж дека пожарот е подметнат бидејќи линијата на огнот е доста долга.
Освен пожарникарите од Прилеп и локалното население, на терен е и тимот за брза интервенција на ДЗС и припадниците на доброволното противпожарно друштво „Архангел“ од Битола. Дополнително ќе биде утврдено како ќе се гаси пожарот бидејќи се шири во три различни правци надвор од селото.
- Денеска околу 13:30 часот прилепските пожарникари добиле повик дека настанал пожар на отворен простор во близина на селото Чаниште, одалечено околу 35 километри од Прилеп, со доста лош пат полн со кривини поради што е потребно еден час да се стигне во селото. Пожарникарите веднаш тргнале кон селото, но во моментот кога навлегле во селото пожарот почнал да навлегува меѓу првите куќи. Пожарот навлегол во селото од различни правци што значи дека најверојатно е подметнат бидејќи линијата на огнот била доста долга - изјави Ангелов.
Од оние информции со кои располага, рече дека од огнот има зафатено неколку стари и напуштени куќи и оти можно е да е зафатена и една куќа во којашто живеат возрасни луѓе. Добро е тоа што нема повредени жители и пожарникари.
- По добивањето на информацијата итно го упатив тимот за брз одговор на ДЗС, дваесетина доброволци од Противпожарното друштво Архамгел во Битола. Веќе се наоѓаат во селото и помагаат за спречување на ширење на пожарот - рече Ангелов.
Дополнително ќе биде утврдено како ќе се гаси пожарот бидејќи се шири во три различни правци надвор од селото.
Ангелов уште еднаш апелира дека доволна е само искра да настане катастрофа и замолува граѓаните да го пријават секое сомнително однесување. - Деновиве сме затрупани со намерни палежи - потенцира Ангелов.
МИА
Ново на Сител
-

МВР со детали за нападот врз 26-годишната Сара: Насилникот доби кривична и мерки на претпазливост
-

Сашко Кедев влезе во Гинисовата книга на рекорди како највозрасен човек кој ги искачил сите 14 врвови над 8.000 метри
-

Претреси во Неготино, пронајдена дрога, приведени две лица
-

„Алта банка“ оди на продажба: Народната банка бара нов сопственик за 95 отсто од акциите
-

„Тешко е да се биде оптимист“ - Гутереш не гледа скор крај на војната во Украина
-

Искра Хаџи Василева денеска ја презема функцијата шефица на ОЈО ГОКК
-

„Разговори за иднината во 12:05“: Нема амнестија за корумпираните политичари, незаконскиот имот мора да се одземе
-

Смртоносен пожар на туристичкиот остров Пукет, 11 загинати и 16 повредени | ВИДЕО
