Пијан 19-годишник нападнал полицаец во Гостивар, приведени уште две лица

На 08.11.2026 во 00:25 часот, пред угостителски објект на ул. „Браќа Ѓиноски“ во Гостивар, полициски службеници од ПС Гостивар го лишиле од слобода Х.С.(19) од с. Добридол.

По интервенција за нарушен јавен ред и мир, лицето физички нападнало полициски службеник при вршење на службени дејствија. При алкотестирањето кај Х.С. биле измерени 1,52 промили алкохол во крвта, по што е задржан во полициска станица.

Во врска со истиот настан, во 02:10 часот од слобода биле лишени и А.З.(25) и Џ.Ј.(23), двајцата од Гостивар.

Тие биле задржани во полициска станица за понатамошна постапка и по документирање на случајот ќе следува соодветен поднесок.