Нов рекорд за меѓународниот аеродром во Тирана, над 60.000 патници за еден ден

Меѓународниот аеродром во Тирана (ТИА) постави нов рекорд во однос на дневен проток на патници и летови.

– На 17 август 2026 година, ТИА го забележа својот најпрометен ден во својата историја, со 60.291 патници и 326 летови за само 24 часа, соопшти ТИА.

Според истиот извор, во текот на овој ден 32 авиокомпании ја поврзале Тирана со 79 дестинации во различни земји низ целиот свет.

Италија, Обединетото Кралство, Полска, Турција и Белгија се водечки земји во однос на бројот на патници. Голем е бројот и на македонски, косовски и црногорски граѓани кои го користат овој аеродром.

Уште еден рекорден ден за ТИА, што го одразува континуираниот раст на воздушниот сообраќај и проширувањето на врските на Албанија со светот, посочи ТИА.

MИА