НСЗР – Повисоки плати за 30 проценти или протест пред Влада

Девет години работат во здравствени установи со договор на дело, без здравствено осигурување и право на боледување. Медицински сестри, лаборанти, административци и технички персонал месечно добиваат 20 000 денари без никакви други придобивки. Регулирање на нивниот статус во редовен работен однос е едно од барањата на независниот синдикат на здравствени работници кои денеска протестираа пред Министерството за здравство.

- За време на ковид пандемијата не поставуваа секаде дури и во КАРИЛ. Сите наши дежурства, сите наши вишок часови не беа платени. Работиме без здравствено осигурување, од 20 000 денари плата плаќаме сами 1800 денари здравствено осигурување, значи ние земаме 18 200 денари плата. Немаме право на одмор и на боледување, изјави Билјана Џонова, медицинска сестра во  Поликлиниката „Јане Сандански. 

Протестот пред здравство како што кажаа од синдикатот е здравствените власти да го слушнат нивниот апел и да им овозможат достоинствен живот.

-Бараме поголема плата за 30 проценти, менување на Колективниот договор, зголемување на инфективниот додаток, и трандформација од определено на неопределено работно време, изјави д-р Јосиф Ѓорески од Независниот синдикат на здравствени работници.

-Од октомври не не повикале на средба, ако не повикааат добро, ако не на 2 декември ќе имаме голем протест пред Влада, изјави Боби Бојчевски координатор на Независниот синдикат на здравствени работници.

Од Министерството за здравство и покрај денешниот протест велат дека остануваат на изјавата од минатата недела дека преговараат со репрезентативни синдикати а оваа година два пати имало зголемување на платите.