Охрид 19 дена во знакот на водените спортови

Охрид во знакот на водените спортови. Од денес па се до 30-ти август Охридското Езеро повторно ќе биде сцена на голем број спортски и рекреативни активности, а четвртото издание на „Ohrid Water Festival“ кое го подобрува туризмот  ќе понуди содржини за различни генерации, различни интереси и различни нивоа на спортска подготвеност.

Спортските настани во рамки на фестивалот од година во година стануваат помасовни и привлекуваат учесници не само од Македонија, туку и од голем број европски држави.

Манифестацијата нуди 19 дена исполнети со бројни спортски натпревари на вода, рекреативни предизвици, пливачки маратони, како и културно-забавна и едукативна програма за сите генерации.