Осум Албанци уапсени во Белгија под сомнение за атентат врз главниот обвинител во Брисел

Осум лица, од албанска националност,  членови на албанска криминална група, што дејствува во Белгија, се уапсени како дел од можен обид за атентат врз главниот обвинител  Брисел, Жулиен Моинил, објавија албанските повикувајќи се на белгиските медиуми.

Додаваат дека во вчерашната акција, од раните утрински часови, полицијата извршила 18 претреси на куќи во Брисел и Лувен.

„Главните осомничени имаат криминално досие поврзано со организирана трговија со дрога и  се активни во рамките на албанската криминална мафија“, соопштило белгиското државно обвинителство.

Уапсените се испрашуваат од истражителите, а потоа судот ќе одлучи дали ќе бидат задржани во притвор или ќе бидат на слобода. 

Истрагата за овој случај започнала во јули, кога полицијата добила информации за можен заговор за извршување обид за атентат врз обвинителот Моинил. Поради сериозноста на случајот, нивото на закана против него веднаш било подигнато на ниво 4, највисоко ниво на ризик, а биле воведени и зголемени безбедносни мерки. 

-Жулиен Моинил не е првпат да се соочи со сериозни закани. Тој неколкупати беше ставен под заштита поради опасните случаи што ги водел, вклучително и шема за измама со автомобили, каде што според белгиските медиуми, во албанската средина имало планови да го убијат, за што биле нудени еден милион евра, наведуваат албанските медиуми.

МИА