Песков: Можно е брзо да се договори средба меѓу Путин и Трамп, но за тоа во моментов нема потреба

Можно е брзо да се договори средба меѓу претседателите на Русија и САД, Владимир Путин и Доналд Трамп, но за тоа во моментов нема потреба, изјави портпаролот на Кремљ, Дмитриј Песков.
„Хипотетички кажано, тоа е можно, но во моментов нема потреба од тоа“, рече Песков и оцени дека сега е потребна напорна работа за украинското решение.
Претседателите на Русија и САД се согласија да се сретнат во Будимпешта и да започнат подготовки за состанок по разговорите на 16 октомври, потсетува руска новинска агенција, додавајќи дека на 23 октомври Трамп неочекувано го објави одложувањето на самитот на неодредено време, тврдејќи дека нема да може да го постигне „она што е потребно“ до предвидените датуми.
Од друга страна, Песков изјави за руска новинска агенција дека Русија е заинтересирана за мирно решавање на конфликтот меѓу Венецуела и САД.
„Секако, ние сакаме сè да биде на патот на мирот и да не се појават нови конфликти во регионот. Светот е веќе полн со конфликтни ситуации. Нови конфликти не ни се потребни“, рече Песков по повод публикацијата во американскиот весник „Вашингтон пост“ дека под закана од САД, венецуелскиот претседател Николас Мадуро побарал од својот руски колега Владимир Путин ракети, радари и авиони.
МИА
Ново на Сител
-

Трамп: Антисемитизмот во САД во моментов е како во Германија во 1938 година
-

Мицкоски: Правиме се да останеме земја со убедливо најниски цени горивата, струјата и греењето во Европа
-

Приведен 42-годишник на Граничен премин Табановце - Возилото кое го управувал било предмет на потрага на Интерпол
-

Кривична за 19-годишник од Кочани, направил експлицитни снимки од 18-годишна девојка без нејзина дозвола
-

Од утре повремен дожд и пониски температури
-

Јаневска во посета на Јапонија: Отворање нови можности за продлабочување на соработката
-

Мицкоски: Практичниот дел на правосудниот испит ќе биде на македонски јазик, јасна е одлуката на Венециската комисија
-

„АЛТА банка“ од понеделник ќе ја отвори и експозитурата во Прилеп, ќе може да се подигнат до 20.000 денари
