Почина глумецот Денис Вотерман
Британскиот глумец Денис Вотерман, познат по улогите во ТВ-сериите како „Мајндер“, „Свини“ и „Нови трикови“, почина вчера. Тој имаше 74 години.
„Со длабока тага објавуваме дека нашиот сакан Денис почина мирно во болница во Шпанија. Тој почина вчера попладне, а покрај него беше неговата сопруга Пем. Семејството љубезно бара да се почитува нашата приватност во ова многу тешко време за нас“, соопшти неговото семејство.
Роден е во Лондон и образованието го добил во Театарската школа „Краун“. Вотерман ја почна својата кариера како дете, па на 12-годишна возраст е поканет да ѝ се приклучи на Кралската трупа „Шекспир“ во Стратфорд. Во своите тинејџерски години, тој се прослави во остварувањето „Само Вилијам“ на Би-би-си.
Денис Вотерман својата слава ја стекна во 1970-тите кога го глумеше наредник Џорџ Картер во полициската драма „Свини“. Глумеше и во 90-на други филмски и ТВ-проекти.
Ново на Сител
-

Тема на денот со Горан Марковиќ, главен извршен директор на Македонски Телеком
-

Декларација за мир потпишана на историската средба меѓу претседателите на САД, Русија и Кина
-

Истражните органи влегоа во Макстил – Се проверува дали фабриката загадува надвор од дозволените параметри
-

Со акциски план ќе се бара решение за неконтролираното движење кравите низ Крива Паланка
-

„Блокадата е во Скопје, а не во ЕУ“, оценува директорот за проширување на Унијата
-

Институтот за историја одбележува 80 години постоење
-

Германија ја преполовува квотата за работници од Западен Балкан, помалку места и за Македонците
-

Факултетите ќе го платат долгот за струја
