Почина таткото на Меси

Хорхе Меси, таткото на капитенот на аргентинската фудбалска репрезентација и осумкратен освојувач на Златната топка Лионел Меси, почина на 68-годишна возраст, објави денеска аргентинскиот клуб во кој Меси настапуваше како дете Њуелс Олд Бојс.
„Клубот Атлетико Њуелс Олд Бојс со тага и длабоко жалење се збогува со Хорхе Меси“, објави клубот на социјалните мрежи.
Аргентинските медиуми јавија дека Хорхе Меси починал во болница во родниот град Росарио во петокот вечер по локално време.
Хорхе Меси беше клучната фигура во фудбалската кариера на својот трет син, Лионел, уште од неговите почетоци и преселбата од Њуелс Олд Бојс во Барселона.
На 17 јуни, весникот „Ла Опин“ објави дека солзите на Меси по постигнувањето на првиот гол во победата на Аргентина од 3-0 над Алжир на Светското првенство, најверојатно, се должат на влошената состојба на неговиот татко.
Хорхе Меси му беше првиот тренер на Меси во Аргентина, неговиот единствен придружник во текот на тешките рани години во Барселона, пред да стане негов менаџер и да преговара за астрономски договори во негово име.
Воедно, беше и човекот со кого Лионел Меси сакаше да ги анализира своите настапи по секој натпревар:
„Мојот татко многу ми помогна. Тој беше многу критичен кон мене. Затоа секогаш сакав да се надминувам себеси“, рече Меси во интервју за DirecTV Sports во 2022 година.
МИА
Ново на Сител
-

Мајката на претепаната Сара од Охрид тврди: „Барал нож да ја докрајчи, сакал да ја фрли во провалија“
-

Македонските фудбалери ја пречекуваат Словенија во последното коло од Лигата на нации
-

Отпорноста на лекови би можела да убие 39 милиони луѓе во следните 25 години, предупредува СЗО
-

Мицкоски во Брисел на средба со Герт Јан Копман, во фокус европската перспектива на Македонија и реформите
-

МВР со детали за нападот врз 26-годишната Сара: Насилникот доби кривична и мерки на претпазливост
-

Сашко Кедев влезе во Гинисовата книга на рекорди како највозрасен човек кој ги искачил сите 14 врвови над 8.000 метри
-

Претреси во Неготино, пронајдена дрога, приведени две лица
-

„Алта банка“ оди на продажба: Народната банка бара нов сопственик за 95 отсто од акциите
