Почна вакцинацијата за заштита од грип

Уште на првиот ден голем интерес за вакцинација против сезонски грип. Во Поликлиниката Бит Пазар повеќето беа повозрасни граѓани. Дел од нив секоја година се вакцинирале.

Според последните препораки, лекарите велат и во ист ден можат да се аплицираат вакцини и против Ковид и за заштита од грип.

-Морам да напоменат дека и двете вакцини се даваат истовремено, доколку граѓанинот не обавил Ковид вакцинација претходно, односно не ја примил вакцината против Ковид-19, изјави д-р Соња Ралева,од  Здравствен дом Скопје.

Државата и годинава набави 40.000 бесплатни вакцини за заштита од грип за ризичните групи. До вчера интерес за вакцинација пројавиле 26.000 граѓани. Во главниот град освен во Поликлиниката Бит пазар, имунизација се спроведува и во Идадија и Ѓорче, како и во Центарот за јавно здравје каде има и комерцијална вакцинација.

Пунктовите во состав на Здравствен дом Скопје ќе работат и утре во две смени.