Повредени двајца работници во Пробиштип и Пехчево

Еден рудар од Пробиштип и една работничка од Пехчево, денеска и вчера, се здобиле со повреди на работните места, информира Секторот за внатрешни работи (СВР)-Штип.

Во денешниот полициски билтен се информира дека денеска во 2:50 часот во ОВР Пробиштип од Јавната здравствена установа Пробиштип е пријавено дека кај нив со повреди е донесен 43 годишниот С.К од село Злетово, пробиштипско. Според пријавеното со повредите се здобил во рудник во Пробиштип, при извршување работни задачи.

Во 11:34 часот вчера во СВР Штип од Итната медицинска помош Пехчево е пријавено дека кај нив со повреди е донесена 43 годишната М.П. од село Црник, пехчевско. Според пријавеното со повредите се здобила при извршување на работни задачи во фирма, во машинскиот погон. Од СВР Штип велат дека по пријавата кај нив веднаш е  извршен увид во машинскиот погон.