Преглед на вестите од светот

Пронајдено телото на Навални, на него имало модринки

Телото на рускиот опозициски лидер Навални е прерлено во градот Салехард, објавуваат руските медиуми. Според информациите од болничари вработени во итната помош, при транспортот било забележано дека на неговото тело има модринки. Додаваат дека тие не биле од тепање, но забележуваат дека се добиваат само ако лицето е живо. Се сомневаат дека модринките се од обидите за негова реанимација откако прењтходно добил срцев удар, појаснуваат изворите на кои се повикуваат медиумите во Русија.. В петокот беше објавено дека Навални починал во затворот каде ја издржувал 19 годишната казна.

ОН за состојбата во ГАЗА

Советот за безбедност на Обединетите нации веројатно во вторник ќе гласа за предлогот на Алжир за итна хуманитарна помош и прекин на огнот меѓу Израел и Хамас, но САД сигнализираа дека ќе вложат вето.. Американската амбасадорка во ОН изјавила дека таквата ситуација би можела да ги загрози „чувствителните преговори“ кои имаат за цел посредувања во договорот за воспосатавување примирје. Во меѓувреме, Израелскиот премиер Бенјамин Нетанјаху најави дека ќе побара од владата да одобри резолуција со која се противи на едностраното признавање на палестинската држава од страна на Израел Палестинскиот премиер пак објави дека Русија ги поканила сите палестински фракции, вклучително и Хамас, на состанок во Москва.

Најмалку три лица се убиени во напади со руски безпилотни летала и ракети во Украина

Најмалку три лица се убиени во напади со руски беспилотни летала и ракети во источна Украина во изминатите 24 часа, соопштија украинските власти, додавајќи дека украинските војници ја одбиле руската офанзива на јужниот фронт. Откако вечера Русија ја завзеде Авдиивка, денеска се уште се водат битки за последните позиции во фабричкиот комплекс за кокс. Според украинските власти, повлекувањето  од нивните позиции во градот биле со цел да се спасат човечки животи но и да се спречи нивно опкружување и да паднат заробени во рацете на руските војници. Напредокот кон Авдиивка е најголемиот успех на Москва откако лани во мај го зазеде Бахмут, а доаѓа на само неколку месеци пред претседателските избори во Русија.