Преглед на вестите од светот

Ден на жалост во Чешка

Илјадници свеќи, свежо цвеќе и сеќавање за починатите. Чешка го живее најтешкиот ден во својата историја. Црковните ѕвона точно напладне биеа за почит кон 14мина застрелани на карловиот универзитет од 24 годишен студент.

На црковната миса за загинатите присуствуваа претседателот на Чешка и други државни функционери.

Во Прага, како и во другите чешки градови, се засилени мерките за полициски надзор, а полицајци патролираат по улиците во пресрет на божиќните празници, ги надгледуваат пазарите, трговските центри и други места каде што се собира голем број луѓе.

Културните настани за време на божиќниот викенд се откажани, а сите јавни настани ќе започнат со едноминутно молчење.

Германски автобус излета од патот Белград - Ниш, петмина тешко повредени

Пет лица се тешко повредени во сообраќајна несреќа на автопатот Белград - Ниш кога доцна синоќа германски автобус излетал од патот. Повредените се пренесени на лекување во болницата во Ниш, од каде информираат дека една 20 годишна девојка се здобила со животно загрозувачки повреди. Според лекари, таа имала повреди на градниот кош, двете потколеници, стапалата и повреди на главата. Несреќата се случила кај селото Катун пред полноќ, на местотот до рано наутро траел увидот на полицијата и обвинителството кои ќе треба да ги откријат како автобусот излетал од патот.

Бугарскиот претседател тврди дека на Косово живеат 15 илјади Бугари, бара нивно признавање

Бугарскиот претседател Румен Радев при вчерашанта посета на Косово соопшти дека таму живеат 15 илајди бугари за кои побара косовските власти да ги признаат како независна заедница. Според бугарските медиуми, признавањето на бугарите на Косово бил фокусот на разговорите со претседателката Османи. Таа се обврзала дека на претстојниот попис, ги задолжила властите во земјата да ги почитуваат сите стандарди на попишување за да може да се гарантираат правата на малцинствата.