Преглед на вестите од светот

Американскиот претседател Доналд Трамп денеска разговараше со кинескиот претседател Си Џинпинг во јужнокорејската воздухопловна база при што двајцата лидери звучеа оптимистички во врска со намалувањето на трговските тензии меѓу двете најголеми економии во светот.

Разговорите во јужниот пристанишен град Бусан, е нивна прва средба лице в лице од 2019 година, додека седнаа со своите делегации за да започнат разговори, Си му рече на Трамп преку преведувач дека е нормално двете водечки економии во светот да имаат тензии повремено. Нивната средба, што се одржа на маргините на самитот на Азиско-пацифичката економска соработка (АПЕК), траеше речиси два часа.

По разговорите, двајцата лидери се поздравија на влезот од зградата.

Лидерот на Сојузот на независни социјалдемократи Милорад Додик му се заблагодари на американскиот претседател Доналд Трамп и неговите соработници за укинување на санкциите кон него и неговите соработници. Тој истакна дека со укинување на санкциите „исправена е голема неправда“ нанесена на Република Српска, нејзините претставници и нивните семејства – „неправда создадена од администрациите на Обама и Бајден“.

Според неофицијални извори укинувањето на санкциите се дел од договорот помеѓу САД и Додик – по правосилната пресуда тој да се повлече од функцијата претседател на РС и да се именува вршител на должноста. Ана Тришиќ-Бабиќ е избрана за вршител на должноста претседател на РС.

Ураганот Мелиса предизвика пустош во Јамајка како најсилната бура што некогаш ја погодила карипската островска нација, а вчера се прошири во источна Куба,пред се во градот Сантијаго. Вкупниот број на жртви во Јамајка, Доминиканската Република, Панама и Хаити досега изнесува најмалку 30 лица. Првичните процени покажуваат дека повеќе од еден милион луѓе се погодени од ураганот, изјавија координаторите на ОН за регионот на Карибите.

Бура од категорија 5 со постојани ветрови 298 km/h преку Јамајка, ја загуби јачината и падна на категорија 3 кога ја погоди Куба. Мелиса ја разнесе западна Јамајка, уривајќи куќи, уривајќи дрвја и бришејќи патишта. Властите сè уште не објавија детали за жртвите, но рекоа дека очекуваат загуба на животи.

Најмалку 241 заедница останаа изолирани и без комуникации по поминувањето на бурата, според прелиминарните извештаи на локалните медиуми, погодувајќи дури 140.000 жители.