Пристигна првата група на туристи од Холандија во Охрид

Пристигна првата група на холандски туристи, кои годинава ќе одмараат на брегот на езерото. На Охридскиот аеродром „Св. Апостол Павле“со чартер летот беа пречекани околу 180 гости.

Преку туроператорот „ТУИ тие двапати неделно ќе доаѓаат во главниот туристички центар. Некои од нив ќе гостуваат 7, а други 14 дена. Скоро сите се вакцинирани против Ковид-19 и не чувствуваат страв од патување.

До крајот на септември се очекуваат вкупно 20 летови на ТУИ кој на охридската ривиера ќе донесат 3520 холандски патници.

Инаку покраj обновувањето на сезонските дестинации од Полска и Холандија охридскиот аеродром во моментов има редовни летови на Визер кон Базел, Виена, Малме , Дортмунд и Меминген.