Приватните специјализанти се уште работат без здравствено осигурување во ковид центрите

Лекарите на приватна специјализација и понатаму работат без здравствено осигурување. Дел од нив директно се ангажирани и во Ковид Центрите, а во случај да се заразат, се плаќаат од свој џеб. Младите доктори се револтирани што веќе 3 месеци не се исполнува ветувањето на министерот за здравство за вработување на 250 приватни специјализанти.

-Три месеци изминаа откако министерот вети дека проблемот со здравственото осигурување на приватните специјализанти е решен. По тоа прашање се уште не е постапено, изјави д-р Александра Ѓеоргиева, претседател на Здружението на лекари специјализанти – ЗЛС.

Приватните специјализанти се револтирани и поради неисполнетото ветување во 2019 да им бидат платени дежурствата.

-Покрај се специјализантите се уште обавуваат 24 часа дежурство за нула денари, додаде д-р Ѓеорѓиева од ЗЛС.

Младите лекари уште еднаш апелираат за итно решавање на нивните проблеми, во спротивно велат дека нема уште долго да останат во сопствената држава.