Приведена 30-годишна жена по пукање врз луксузната вила на Ријана во Лос Анџелес

Домот на светската музичка ѕвезда Ријана во Беверли Хилс вчера беше цел на вооружен напад, додека пејачката престојувала на имотот, пренесуваат американските медиуми.
Според полицијата во Лос Анџелес (LAPD), инцидентот се случил околу 13:20 часот по локално време. Осомничена 30-годишна жена, чиј идентитет сè уште не е објавен, наводно пукала од возило во движење кон влезот на имотот на пејачката.
Локалните медиуми, вклучувајќи ги „Лос Анџелес Тајмс“ и „NBC4“, повикувајќи се на полициски извори, известија дека биле испукани помеѓу седум и десет куршуми. Еден од проектилите го пробил ѕидот на куќата. Полицијата реагирала веднаш по пријавата и успеала да ја приведе осомничената жена кратко по нападот.
Ријана била во куќата во моментот на пукањето, и при тоа не е повредена. Засега нема официјална потврда дали во тие моменти со неа биле нејзиниот партнер, раперот Ејсап Роки (A$AP Rocky), и нивните две деца.
Луксузната вила каде што живее пејачката се наоѓа во елитната населба Беверли Крест во Лос Анџелес. Ријана го купи овој имот во 2021 година за сума од 13,8 милиони долари.
Полицијата соопшти дека истрагата е во тек и се работи на утврдување на мотивот за нападот. Дополнителни детали за напаѓачката и евентуалната поврзаност со пејачката се очекуваат во текот на денот.
Ново на Сител
-

Приведени девет возачи, петмина управувале возило без положен возачки испит
-

Безживотно тело на 38-годишен маж со прострелна рана пронајдено кај Смилковци
-

Мицкоски: Даваме сè од себе да реализираме проект повеќе и да создадеме подобри услови за живот на граѓаните
-

Франција стравува од ескалација на протестите, 70.000 полицајци и жандарми распоредени на улиците
-

54-годишник од Куманово истурил две шишиња бензин во семејниот дом и се заканувал дека ќе ги запали ќерката и внуката
-

Медведев против Зверев во полуфиналето на завршниот АТП турнир
-

Кривична за две лица осомничени за кражба – Полицијата пронашла украден мебел, радијатори и бела техника
-

МВР: Приведени две лица во Струга, едниот управувал возило со претходно изречена забрана, додека кај сопатникот пронајдена е дрога
