Родители од пеколот: Го тепале своето бебе до степен што двете нозе морале да му ги ампутираат

46-годишниот Тони Смит и неговата 24-годишна партнерка Џоди Симпсон од Кент во Велика Британија, биле осудени на 10 години затвор поради злоставување на сопственото дете. 

Малото дете, кој го носи името на својот татко, за малку ќе починело од сепса.

Условите во кои живеел парот биле во најмала рака ужасни. Низ целиот стан биле расфрлени валкани алишта, а во детското креветче имало ѓубре.

Покрај за обид за убиство, Тони и Џоди биле осудени и поради суровост кон детето, бидејќи не повикувале помош кога на бебето му се слошувало.

"Детето беше сиво, натечено, му откажуваа органите, имаше скршени коски...благодарение на брзата реакција на лекарите животот му беше спасен", се слушнало на суд.

Експертите наведуваат дека родителите го влечеле, фрлале и тепале малиот Тони и тоа најмалку 10 дена пред конечно да го однесат на лекар.

Повредите биле толку тешки, што на детето морале да му ги ампутираат двете нозе, а колковите му биле толку слаби и оштетени што можеби нема да може да носи ни протези.