САД нудат награда до 20 милиони долари за информации за иранската нуклеарна програма

Соединетите Американски Држави нудат награда до 20 милиони долари за информации за иранската нуклеарна програма, според веб-страница на американската влада.

-Награди за правда (Rewards for Justice) нуди награда до 20 милиони долари и можно преселување за информации за иранската нуклеарна програма, вклучително и за нејзините објекти, опрема и поврзаниот персонал, како што се оние во научната заедница, или за движењето на кое било од горенаведените – се наведува на веб-страницата.

Централната команда на САД (CENTCOM), која ги надгледува воените операции на Блискиот Исток, исто така ја објави наградата на Икс.

Претседателот Доналд Трамп повеќепати изјави дека спречувањето на Иран да се стекне со нуклеарно оружје е клучна цел на војната против таа земја.

Белата куќа прогласи неколку ирански нуклеарни објекти за „уништени“ по нападите врз тие локации во јуни 2025 година.

Сепак, одделни експерти подоцна сугерираа дека Иран можеби преместил барем дел од својот нуклеарен материјал на безбедно место пред нападите.

МИА