САД се близу до договор за пристап до венецуелските нафтени резерви

Претставници на администрацијата на Трамп работат на договор што би им дал на САД, кои го контролираат извозот на венецуелска нафта, долгорочен пристап до дел од суровите резерви на јужноамериканската земја, изјавија синоќа извори запознаени со разговорите.

Се очекува договорот, кој би можел да биде потпишан и објавен наскоро, да функционира на начин што би ѝ овозможил на американската влада да обезбеди група венецуелски нафтени полиња што ќе ги развиваат американски компании, изјавија извори, додавајќи дека добиеното снабдување ќе биде загарантирано за САД.

„Ова е реално и се дискутира на највисоко ниво на владите на САД и Венецуела“, рече еден од изворите.

Дополнителен извор рече дека „закуп“ се разгледува како правен модел за спроведување на договорот, со аукција или тендер за доделување на секое поединечно поле на американските производители.

МИА