Се интензивираат активностите на учесниците на Локалните избори 2025

Се интензивираат изборните активности на учесниците на Локалните избори 2025. На шестиот ден од дваесетдневната кампања за изборите на 19 октомври политичките партии, коалициите и независните кандидати ќе одржат митинзи и средби со граѓани во повеќе делови од земјата. 

Владејачката ВМРО-ДПМНЕ ќе одржи митинзи на кои ќе ги претстави поддржаните кандидати за градоначалници и советници во Теарце, Брвеница, Јегуновце, Ѓорче Петров и во Куманово.  

СДСМ попладнево и вечер е во Градско, Чашка, Велес и во Свети Николе.

Кандидатите на Левица во Кичево и во Охрид ќе имаат средба со граѓани, а во Струга ќе се одржи промоција на кандидатката за градоначалник на Струга, Јована Мојсоска. Кандидатот за градоначалник за Скопје Амар Мециновиќ и кандидат за градоначалник за Аеродром Марјан Димитрив. 

Граѓанската платформа „Независни заедно“ ќе одржи прес-конференција по повод претставување на новиот зелен појас кај базенот кој е во рамки на спортско-рекреативниот центар „Сарај“. 

И Работничката партија ќе одржи промоција на кандидати за градоначалник и советници за општина Гази Баба.

Политичката партија МААК ќе одржи средби со граѓани. 

Кампањата за локалните избори завршува на 17 октомври на полноќ, по што настапува 24-часовен молк пред изборите на 19 октомври. 

МИА