Северна Кореја истрела балистичка ракета кон Јапонското Море

Северна Кореја денеска истрела балистичка ракета кон Јапонското Море, објави јужнокорејската агенција „Јонхап“, повикувајќи се на воените извори во Сеул, пренесе ДПА.
Јапонското Министерство за одбрана, исто така, соопшти дека проектилот најверојатно е балистичка ракета.
Пацифичката команда на американската војска (PACOM) одделно го потврди лансирањето на балистичка ракета.
„Запознаени сме за лансирањето на ракетата и тесно се консултираме со нашите сојузници и партнери“, објави PACOM на платформата Икс.
„Врз основа на актуелните проценки, овој настан не претставува непосредна закана за американскиот персонал или територија, ниту за нашите сојузници“, се додава во соопштението.
Министерството за одбрана во Токио соопшти дека се верува оти ракетата паднала во Јапонското Море, надвор од ексклузивната економска зона на земјата.
Северна Кореја последен пат истрела балистичка ракета во истата насока на 20 септември, потсетува германската агенција.
Севернокорејските експерти наведуваат дека овие тестирања имаат за цел развој на воените капацитети и демонстрирање на силата на земјата.
На Пјонгјанг му е забрането да лансира балистички ракети според неколку резолуции на Советот за безбедност на ОН, пренесува ДПА.
МИА
Ново на Сител
-

Градоначалникот на Скопје даде отчет за сработеното за првата година од мандатот
-

Протест на Форум на жени на СДСМ
-

Тема на денот со Александар Спасов, универзитетски професор
-

Се прават напори родителите на предвремено родените бебиња да добиваат еднократна парична помош од државата
-

Мерка притвор од 30 дена за Кристијан Корабоски
-

Сиљановска: Мора да преземеме нешто против насилството врз жените
-

АНБ и БЈБ открија проиранска мрежа – Македонски криминалци подготвувале атентат во Грција
-

35 години Устав – Од историски темел до денешните предизвици
