Сиетл го победи Њу Ингланд во Супербоулот 2026

Екипата на Сиетл го совлада тимот на Њу Ингланд во Супербоулот во американскиот фудбал во 2026 година со 29:13 (3:0, 6:0, 3:0, 17:13). Натпреварот се одржа на стадионот „Левис“ во Санта Клара пред 70 илјади гледачи.

Претходно, Њу Ингланд го победи Денвер со 10:7 во финалето на Американската фудбалска конференција.

Во решавачкиот натпревар на Националната фудбалска конференција, Сиетл го победи Лос Анџелес со 31:27.

Сиетл го освои својот втор Супербоул во клупската историја. Претходно до трофејот дојде во 2014 година.

Њу Ингланд последен пат победи во 2019 година, со што вкупниот број на трофеи достигна шест.

МИА