Сите кои издаваат сместување имаат обврска да платат данок

Сите кои издаваат вили, станови, апартмани, соби и опрема за рекреација на вода имаат обврска да платат данок на личен доход.

УЈП им порача на охридските туристички работници дека фер туризам започнува со пријавен доход, посочувајќи дека неопходна е меѓусебната соработка се со цел да се создадат еднакви услови за сите, да се поттикне  конкуренцијата и да се сузбие сивата економија. 

Општина Охрид сака да биде атрактивна туристичка дестинација, но и пример како еден одржлив, фер, уреден туристички систем треба да функционира.Туристичкиот сектор во Охрид, според заменик-градоначалничката Ана Крстеска, е двигател на локалната економија.

На територијата на Општина Охрид регистрирани се околу 3.000 станоиздавачи, а анализата на УЈП на крајот од сезоната треба да покаже колку данок се прикрива.