Скопјанец приведен по пријава дека ѝ се заканувал на сопругата, таа пријавила и долгогодишно малтретирање

Маж од Скопје бил приведен откако неговата 47-годишна сопруга пријавила дека ѝ упатувал закани во семејниот дом во Центар.

Според пријавата, инцидентот се случил на 31 октомври околу 10 часот. Жената пријавила и дека во изминатите години била психички и физички малтретирана од сопругот.

Полицијата го лишила од слобода 48-годишниот маж истиот ден во 19 часот. По целосно документирање на случајот, ќе следува соодветна пријава.