Скопјанка пријавила дека малолетната ќерка била допирана од 63-годишен пријател на нејзиниот сопруг

Четириесет и петгодишна жена од Скопје во полиција пријавила дека нејзината малолетна ќерка била вознемирувана и допирана по телото од 63-годишен маж, кој бил пријател на нејзиниот сопруг.

Според пријавата, станува збор за М.Г.(63), пријател на Б.М.(46), сопруг на пријавителката и очув на малолетната девојка.

Истиот ден, 45-годишната скопјанка во полиција пријавила и дека на 5 септември во домот била физички нападната од нејзиниот сопруг.

Од полицијата информираат дека се преземаат мерки за целосно расчистување и документирање на двата случаи, по што ќе бидат поднесени соодветни пријави.