Скопје без парно, родители добиваат повик да си ги земат децата од училиштата и градинките

АД ЕСМ Снабдување информира дека поради зголемени загуби на вода во топлификациската дистрибутивна мрежа кај дел од потрошувачите ќе има намалена испорака на топлинска енергија.

-Екипите на Дистрибуција на топлина се на терен и активно работат на изолирање на проблемот, со цел воспоставување стабилен хидрауличен режим во системот и нормализација на снабдувањето со топлинска енергија. Се користат сите расположливи ресурси, а екипите преземаат засилени мерки и вложуваат максимални напори за што побрзо воспоставување на редовно снабдување со топлина до потрошувачите, стои во информацијата од ЕСМ Снабдување.

За дополнителни информации потрошувачите можат да се обратат во Центарот за грижа за потрошувачи на телефонските броеви (02) 3076 200 и 075400100.

Парно греење речиси и да нема во делови од скопските населби Центар, Ново Лисиче, Аеродром, Кисела Вода, Капиштец, но и во други населени места.

Родителите во повеќе општини добија повик од училиштата и градинките да дојдат да си ги земат децата, бидејки немаат парно греење.