СП 2026: Аргентинците веруваат во одбрана на титулата

– Репрезентацијата на Аргентина актуелниот светски првак уште еден натпревар во нокаут фазата доби во продолжение. Претходно ги совладаа Зелено’ртските острови со 3:2, Египет го победија со гол во судиското надополнување, а за пласман во полуфиналето ја совладаа Швајцарија со 3:1 по продолжение и предност од играч повеќе од 72.минута.

Натпреварот беше решен во второто продолжение кога Хулијан Алварез постигна гол за водство од 2:1 во 112.минута, а конечниот резултат го постави Лаутаро Мартинез.

–   Се боревме до самиот крај на натпреварот. Во еден период натпреварот беше тежок, имавме играч повеќе, а следуваа и продолжетоци. Верувавме дека ќе постигнеме гол и продолживме заедно да напаѓаме и постигнавме гол. Секако дека сакавме порано да обезбедиме победа, но знаеме колку е тешко да се игра на Светско првенство. Имаме уште два чекора до целта и ќе дадеме се од себе за да ги направиме, изјави Алварез.

Во полуфиналето Аргентина на 15.јули ќе игра против Англија во Атланта.

MИА