Спасено мече во Велешко: Се фатило во нелегално поставена сајла, по интервенцијата пуштено во природа

Мече старо околу три години, тешко 70 килограми, било успешно спасено откако се фатило во нелегално поставена примка од сајла во месноста Чеплес, на околу 1,5 километри од Рибник Нежилово, Велешко.
Информацијата за заробеното мече најпрво ја доставило Ловечкото друштво „Руен“ од Велес, а преку Македонското еколошко друштво била проследена до Државниот инспекторат за животна средина. Веднаш било известено и Министерството за животна средина и просторно планирање.
Во координираната акција учествувале двајца државни инспектори, полициски службеници од СВР Велес, претставници на ловечкото друштво и ветеринар од Зоолошката градина во Скопје.
Мечето најпрво било успиено, по што ветеринарот извршил преглед и ја отстранил металната примка. Утврдено било дека станува збор за машко мече, старо околу три години и тешко приближно 70 килограми, кое немало видливи повреди од сајлата.
По успешната интервенција, мечето било пуштено назад во природното живеалиште.
За случајот е известен јавен обвинител од Велес, додека полицијата ја одзела нелегално поставената примка за понатамошно вештачење и преземање мерки за поведување кривична постапка согласно Кривичниот законик.
Акцијата била спроведена на 18 октомври, информираат од Државниот инспекторат за животна средина.
Ново на Сител
-

Медведев против Зверев во полуфиналето на завршниот АТП турнир
-

Кривична за две лица осомничени за кражба – Полицијата пронашла украден мебел, радијатори и бела техника
-

МВР: Приведени две лица во Струга, едниот управувал возило со претходно изречена забрана, додека кај сопатникот пронајдена е дрога
-

ФБИ повторно цел на хакерски напад, овојпат пробивот насочен кон базатa на податоци за криминал
-

Променливо облачно, во западните делови повремено ќе има засилен ветер
-

Трамп ја опиша атмосферата од средбата со Шји и Путин како одлична
-

Пуштени во продажба влезниците за натпреварот на македонските кошаркари против Кипар во Скопје
-

Сараевски медиуми: Поднесено е обвинение против премиерот, министерот за полиција на ФБиХ и други поради примање мито
