„СпејсИкс“ за првпат успешно го прифати горниот сегмент на ракетниот систем „Старшип“

Компанијата „СпејсИкс“ успешно го прифати горниот сегмент на ракетата „Старшип“ на враќање на Земјата по пробниот лет во вселената.
Околу 20 часа по лансирањето, „Старшип“ се врати во вселенскиот центар „Старбејс“ во јужен Тексас, каде што механичките раце успешно го прифатија сегментот на лансирната рампа. Станува збор за прва успешна проба на компанијата на Илон Маск за таков начин на приземјување.
Претходно на истиот лет неупешна беше пробата за прифаќање на долиот степен на ракетата, што наместо да биде прифатен на лансиранта рампа, падна во морето и се запали.
Компанијата „СпејсИкс“ засега не ја соопшти можната причина за неуспехот. Долниот степен, познат како бустер „Супер хеви“, успешно беше фатен при три претходни пробни летови.
Горниот степен, наречен „Старшип“, влезе во орбитата на Земјата кратко по одвојувањето од засилувачот и распореди сателити за интернет-сервисот „Старлинк“ на компанијата. Потоа неколкупати ја обиколи Земјата.
При претходниот тест-лет во септември, „Старшип за првпат стигна до орбитата околу Земјата, по што изврши контролирано спуштање во Тихиот Океан.
Висок околу 120 метри,„ Старшип“ е најголемиот ракетен систем некогаш изграден, при што двата степена се дизајнирани за повеќекратна употреба.
НАСА планира да го користи Старшип за испраќање астронаути на Месечината, додека „СпејсЕкс“ се надева дека во иднина ќе стигне и до Марс.
МИА
Ново на Сител
-

Искра Хаџи Василева е новата шефица на Обвинителството за гонење организиран криминал и корупција
-

МВР приведе 4 лица за двете убиства во Ѓорче Петров
-

Тема на денот со Соња Трифуновска, заменик народен правобранител
-

МВР приведе 4 лица за двете убиства во Ѓорче Петров
-

Обвинителите избираат нов шеф за организиран криминал и корупција
-

Граѓаните ќе можат да вадат документи преку телефон - промовирана е новата апликација М.услуги
-

Студентите бараат 200 денари за оброк
-

Ќе се пресметуваат ли платите по час? Договор би требало да има до март
