Татко и неговиот 18-годишен син загинаа во тешка сообраќајка кај Миладиновци

Двајца загинати во тешка сообраќајка кај Миладиновци, тројца тешко повредени
Две лица го загубиле животот, а три се тешко повредени во сообраќајната несреќа што се случила околу 2 часот по полноќ на општинскиот пат Илинден – Миладиновци.
Според информациите од Јавното обвинителство, во несреќата директно се судриле „Опел Корса“ со кумановски регистарски ознаки, управувана од 19-годишен жител на Куманово, и „Хјундаи И30“, зад чиј волан бил 51-годишен жител на Марино.
На местото на несреќата починале 51-годишниот возач на „Хјундаито“ и неговиот 18-годишен син. Нивната 18-годишна ќерка се здобила со тешки повреди.
Во судирот тешко биле повредени и 19-годишниот возач на „Опел Корса“ и неговиот 18-годишен сопатник. Двајцата биле пренесени во болница во животозагрозувачка состојба.
Несреќата се случила во близина на полициската база „Брест“, во рамки на комплексот на Меѓународниот аеродром Скопје.
На местото биле извршени увидни дејствија од страна на дежурен јавен обвинител, вешто лице и увидни екипи на МВР. Обвинителот издал наредби за обдукција на починатите, а надлежните продолжуваат со истрагата за утврдување на причините и околностите под кои се случила несреќата.
Ново на Сител
-

Лукаку ја заврши репрезентативната кариера
-

20-годишна добитничка на лотарија одби еднократна исплата од 1 милион долари – избра да добива по 1.000 долари неделно до крајот на животот
-

19-годишник од Македонија уапсен во Србија, пукал и се обидел да го убиел Алибег – поранешен водач на „Гробари“
-

Кина вели дека претстојната средба Шји – Трамп – Путин е „историска“
-

Од полноќ нови цени на горивата
-

Од вчера задолжителна зимска опрема во сообраќајот
-

Инстант лоз „Мега милионер“ – гребни ја шансата за милионска добивка
-

Неуспешно лансирање: Ракетата „Вулкан“ откажа и уништи 40 сателити на „Амазон“
