Трамп: Никој не знае кој управува со Иран

Американскиот претседател, Доналд Трамп, синоќа изјави дека никој не знаел кој управува со Иран, во услови на американско-израелската војна против Исламската Република што трае веќе осум месеци.
„Нивните лидери ги нема, ја нема ни втората група лидери, а мојот најголем проблем е што никој не знае кој, по ѓаволите, управува со земјата“, изјави Трамп.
Портпаролот на иранското Министерство за надворешни работи во неделата изјави дека Вашингтон добро знае кој е неговиот ирански пандан и како функционира системот за донесување одлуки во Иран.
„Проблемот, всушност, е токму спротивен - тој произлегува од противречните ставови и неусогласените пораки на американските официјални претставници“, рече портпаролот пред медиумите.
Врховниот лидер на Иран, ајатолахот Али Хамнеи, беше убиен на првиот ден од американско-израелската војна против Иран што почна на 28 февруари. Неговиот син Моџтаба Хамнеи беше избран за наследник, но не се појавил во јавноста откако беше ранет во истиот напад во кој загина неговиот татко.
Иран возврати на нападите со удари врз Израел и земјите од Персискиот Залив во кои се распоредени американски воени бази.
Во американско-израелските напади врз Иран и израелските напади врз Либан загинаа илјадници луѓе, а милиони беа принудени да ги напуштат своите домови.
Растот на цените на горивата поради војната претставува проблем за Републиканската партија на Трамп во пресрет на ноемвриските меѓуизбори во САД, од чии резултати ќе зависи која партија ќе има контрола врз Конгресот.
Популарноста на Трамп во последно време е на рекордно ниско ниво, во услови на загриженост поради високите трошоци за живот предизвикани од поскапувањето на бензинот и дизелот.
МИА
Ново на Сител
-

Приведени девет возачи, петмина управувале возило без положен возачки испит
-

Безживотно тело на 38-годишен маж со прострелна рана пронајдено кај Смилковци
-

Мицкоски: Даваме сè од себе да реализираме проект повеќе и да создадеме подобри услови за живот на граѓаните
-

Франција стравува од ескалација на протестите, 70.000 полицајци и жандарми распоредени на улиците
-

54-годишник од Куманово истурил две шишиња бензин во семејниот дом и се заканувал дека ќе ги запали ќерката и внуката
-

Медведев против Зверев во полуфиналето на завршниот АТП турнир
-

Кривична за две лица осомничени за кражба – Полицијата пронашла украден мебел, радијатори и бела техника
-

МВР: Приведени две лица во Струга, едниот управувал возило со претходно изречена забрана, додека кај сопатникот пронајдена е дрога
