Трамп разговара со Русија и Кина за денуклеаризација

Претседателот на САД, Доналд Трамп изјави дека Вашингтон разговара со Русија и со Кина, земји кои поседуваат најголеми резерви на нуклеарно оружје, за денуклеаризација.
Според податоците на Стокхолмскиот меѓународен институт за истражување на мирот (СИПРИ), Русија има најголем број складирани нуклеарни боеви глави, по што следат САД и Кина.
САД, сепак, ја предводат Русија по бројот на распоредени боеви глави.
Трамп во интервју за телевизијата „Њузмакс“ (Newsmax) истакна дека очекува Кина да ги стигне САД во следните пет години.
- Целата оваа ситуација е срамота, бидејќи би сакал да постигнам денуклеаризација доколку е можно, всушност разговараме за тоа со Русија и Кина, наведе Трамп.
„Њузмакс“ објави дека Трамп разговарал за денуклеаризација со кинескиот претседател Шји Џинпинг.
Договорот за намалување на стратешкото оружје истече пред неколку месеци. Договорот Нов СТАРТ, потпишан во 2010 година, го продолжија за пет години поранешниот американски претседател Џо Бајден и рускиот претседател Владимир Путин.
За ново продолжување на Договорот треба да се донесе одлука за доброволно продолжување на ограничувањата предвидени во документот.
МИА
Ново на Сител
-

Угостителските услуги во август на годишно ниво поскапи за 3.7 %
-

За викендот се најавува дожд и пад на температурата
-

Уапсен тетовец, чистејќи го својот имот запалил оган и предизвикал пожар
-

Стрелките се враќаат еден час назад: Еве кога започнува зимското сметање на времето
-

35 врвови за 35 години независност: Благица Владимировска и Ема Лазареска ја изодеа Шар Планина за четири дена
-

Загрижувачки резултати: Само третина од 15-годишниците во земјава имаат основни познавања за математика, читање и наука
-

Мерц: АфД е „деструктивна сила“ која никогаш нема да освои апсолутно мнозинство
-

„Екс ју авијација“: „Ер Србија“ со 14 лета неделно меѓу Белград и Скопје во зимската сезона
