Трамп разговара со Русија и Кина за денуклеаризација

Претседателот на САД, Доналд Трамп изјави дека Вашингтон разговара со Русија и со Кина, земји кои поседуваат најголеми резерви на нуклеарно оружје, за денуклеаризација.
Според податоците на Стокхолмскиот меѓународен институт за истражување на мирот (СИПРИ), Русија има најголем број складирани нуклеарни боеви глави, по што следат САД и Кина.
САД, сепак, ја предводат Русија по бројот на распоредени боеви глави.
Трамп во интервју за телевизијата „Њузмакс“ (Newsmax) истакна дека очекува Кина да ги стигне САД во следните пет години.
- Целата оваа ситуација е срамота, бидејќи би сакал да постигнам денуклеаризација доколку е можно, всушност разговараме за тоа со Русија и Кина, наведе Трамп.
„Њузмакс“ објави дека Трамп разговарал за денуклеаризација со кинескиот претседател Шји Џинпинг.
Договорот за намалување на стратешкото оружје истече пред неколку месеци. Договорот Нов СТАРТ, потпишан во 2010 година, го продолжија за пет години поранешниот американски претседател Џо Бајден и рускиот претседател Владимир Путин.
За ново продолжување на Договорот треба да се донесе одлука за доброволно продолжување на ограничувањата предвидени во документот.
МИА
Ново на Сител
-

Не стивнуваат пожарите во Албанија, вчера регистрирани 21, активни 11 пожари
-

Од 15 до 30 минути се чека на Богородица за излез од земјава
-

Новиот изглед на Трамп предизвика реакции на социјалните мрежи
-

ЦУК: Активни се пет пожари во неколку општини
-

Сончево и топло со температури од 30 до 37 степени
-

Ставен под контрола пожарот кај велешкото село Ногаевци, пожари има и на Скопска Црна Гора, во Матејче и долж реката Лепенец
-

ЦУК: Активни се осум пожари, пет се под контрола, а изгаснати 11
-

На граничниот премин Богородица за излез од земјата се чека 45 минути
