Трамп се закани со сериозна воена одмазда против Иран и Хутите како негови сојузници

Американскиот претседател Доналд Трамп се закани со „жестока воена одмазда“ против Иран и неговите сојузници Хути, кои нападнаа два саудиски танкери за нафта во Црвеното Море.

Трамп рече дека ќе го смета Иран за одговорен за какви било идни напади од страна на јеменските бунтовници.

Хутите објавија дека воведуваат поморска блокада врз Саудиска Арабија, која пренасочува милиони барели нафта дневно кон Црвеното Море за да ја заобиколи иранската блокада на Ормутскиот теснец.

Вчера, Трамп на социјалните мрежи изјави дека трошоците за поправка на бродовите оштетени во конфликтот ќе бидат покриени од блокирани ирански средства.

Не е јасно кои правни механизми ќе ги користи Трамп, но тој изјави дека тоа ќе биде „фер и праведно“.

МИА