Удрил во куче, изгубил контрола па се судрил со возило во спротивна лента, загина 25 годишник од Крива Паланка

Вчера околу 19:05 часот во СВР Куманово било пријавено дека на магистралниот пат Куманово–Крива Паланка, на место викано „Смилчинци“, во општина Старо Нагоричане, се случила тешка сообраќајна несреќа со фатален исход.
Според пријавата, патничко возило „фолксваген голф“ со кривопаланечки регистарски ознаки, управувано од С.Т. (25) од селото Нерав, удрило во куче скитник, по што возилото преминало во спротивната сообраќајна лента и се судрило директно со патничко возило „бмв“, управувано од Ф.Ј. (27) од селото Длабочица.
Во несреќата со тешки телесни повреди се здобиле двајцата возачи, како и сопатничките од возилото „бмв“, А.С. (20) и С.Ј. (53), сите од Крива Паланка. Повредените биле пренесени во Општата болница Куманово, каде што возачот на „голфот“, С.Т., им подлегнал на повредите. Лекар констатирал смрт, а по наредба на јавен обвинител телото е дадено на обдукција.
Увид на местото на настанот извршила увидна екипа од СВР Куманово.
Ново на Сител
-

Кичево под вода
-

Партиски игри го кочат стартот на анкетната комисија
-

Касами, Меџити, Сали и Фетаи се поблиску до формирање на партија ВРЕДИ
-

СДСМ бара повлекување на законот, ВМРО-ДПМНЕ тврди се прават реформи за поправање на грешките од минатото
-

Камионџиите чекаат решение од ЕУ: Времената мерка може да го олесни престојот
-

Нови правила за добивање субвенции: Трипуновски вели парите ќе одат само кај вистинските земјоделци
-

Владата утре под блокада - ССМ бара повисоки плати
-

Се санираат штетите од поплавите – најкритично во Кичево, Гостивар и Сарај
