Украина ги повика странските пилоти на Ф-16 да се борат против Русија
Министерот за одбрана на Украина Алексеј Резников ги повика странските пилоти и специјалисти да се приклучат на одбраната на Украина.
Резников го упати овој апел за време на заедничкиот брифинг за новинарите со неговиот дански колега Троелс Лунд Поулсен во прес-центарот во Одеса, пренесува украинската новинска агенција Униан.
- Овој повик е упатен до пилотите. Доколку има пилоти кои знаат да летаат со борбени авиони Ф-16 и се подготвени да учествуваат (во војната), ние сме подготвени да им ја отвориме вратата, рече Резников.
Засега, САД одбиваат да испорачаат борбени авиони Ф-16 на Украина. Американскиот претседател Џозеф Бајден за време на посетата на Киев изјави дека на Украина сè уште не и се потребни авиони бидејќи, како што истакна, САД во моментов им обезбедуваат на украинските вооружени сили и друго важно оружје.
Американскиот секретар за одбрана Лојд Остин изрази уверување дека на Украинците на бојното поле во моментов им е потребна воздушна одбрана со долг дострел и оцени дека повеќенаменскиот борбен авион Ф-16 нема да и помогне на Украина во оваа фаза од војната.
Ново на Сител
-

Трамп вели дека Путин сака договор повеќе од Зеленски
-

Делови од дронови оштетија индустриска зона во рускиот град Невиномиск, експлозии во Киев
-

Петмина загинати, десет лица се водат како исчезнати по ураганот и тропската бура во Мексико
-

Бугарија побара помош од ЕУ и НАТО за истрагата за нападите со дронови врз два брода во Црното Море
-

Претежно облачно и постудено со повремени локални врнежи од дожд
-

Макрон ги критикува потезите на Трамп: Не смее да има никакви отстапки пред руските закани
-

Мерц: Русија сериозно ќе преговара за мир само под притисок
-

Зеленски: По нападите врз центрите за податоци на „Јандекс“, има помалку ботови и омраза на социјалните мрежи
