Ватикан: Исходот од преговорите во Истанбул е трагичен

Ватикан го опиша исходот од разговорите во Истанбул како „трагичен“ откако рускиот претседател Владимир Путин одби да учествува во директните разговори со Володимир Зеленски, објави Политико.

-Сето ова е трагично, бидејќи се надевавме дека тоа ќе биде, можеби, бавен, но мирен процес на решавање на конфликтот. Наместо тоа, се враќаме на почетокот, изјави денеска пред новинарите државниот секретар на Светата столица, кардиналот Пјетро Паролин.

Паролин додаде дека папата Лав Четиринаесетти планира да го понуди Ватикан како место за директна средба меѓу Украина и Русија, велејќи дека Светата столица е подготвена да се стави на располагање за продолжување на разговорите.