За 20 отсто намалени производството и уловот на риба

Вкупното производство и уловот на риба во 2025 година изнесувале 1 992 тона што во однос на 2024 година претставува намалување за 19,5 отсто. Како што информира Државниот завод за статистика, намалување бележи и производството од аквакултура кое во 2025 година изнесувало 1 847 тони што е пад за 21 процент во споредба со 2024 година.

Во 2025 година уловот од внатрешни води изнесува 145 тони и бележи зголемување од 5,1 отсто, а во рамки на аквакултурата се произведени 126.781 килограм подмладок и 15,1 милион парчиња икра. Од видовите риба, како подмладок најмногу се одгледува виножитната пастрмка.

За одгледување риба најмногу се користат рибници, базени и канали и кафези. Од производството во 2025 година, 1.175 тони биле пастрмка, 546 тони крап и 126 тони други видови риби. 

Во секторот Рибарство и аквакултура се вработени 278 лица од кои 129 во аквакултурата и 149 лица во рибарството, а со рекреативен риболов се занимавале 8.503 лица, од кои само 70 биле жени. 

МИА