Зголемен интерес за вакцина против сезонски грип

За пет дена колку што трае вакцинацијата против сезонскиот грип, во Струмица имунизирани  околу 1300 лица. Од центарот за јавно здравје велат дека споредбено со лани бројот на граѓаните кои сакаат да се заштитат од  грип бележи зголемување, како за бесплатните така и за комерцијалните вакцини.  Вообичаено, најмногу интерес има претежно возрасни граѓани над 65 години.

Најголемиот број од граѓаните кои решиле да се вакцинираат против сезонскиот грип претходно се имунизирале и против Ковид-19.

Имунизацијата против сезонски грип центарот за јавно здравје Струмица  ја  реализирана на четири пункта од кои едниот е во Валандово. Од таму велат дека вакцини има доволно, а времетраењето на процесот  ќе зависи од интересот на граѓаните и динамиката на нивното пријавување кое оди преку апликацијата вакцинација.мк.