Жена пронајдена почината во стан во Скопје

65-годишна жена од Скопје вчера била пронајдена почината во стан на булеварот „АСНОМ“, информира Министерството за внатрешни работи.

Според полицискиот билтен, случајот бил пријавен во СВР Скопје во 09:35 часот. Во станот била пронајдена почината Д.В.(65) од Скопје.

Лекар констатирал смрт без видливи траги на насилство.

По наредба на јавен обвинител, телото на починатата било предадено на обдукција, која треба да ги утврди причините за смртта.