19-годишник од Македонија уапсен во Србија, пукал и се обидел да го убиел Алибег – поранешен водач на „Гробари“
Деветнаесетгодишен државјанин на Македонија е уапсен во Србија под сомнение дека се обидел да го убие Ненад Алајбеговиќ, познат како Алибег, поранешен водач на навивачите на белградски „Партизан“.
Според српските медиуми, осомничениот А.А. бил приведен на границата со Хрватска, додека се обидувал да ја напушти Србија.
По налог на Вишото јавно обвинителство во Белград, на 19-годишникот му е одредено полициско задржување до 48 часа поради сомнение за обид за убиство, како и за недозволено производство, поседување, носење и трговија со оружје и експлозивни материи.
Според обвинителството, инцидентот се случил на 8 јули 2025 година на улицата „Народних хероја“ во Нов Белград.
Се сомнева дека младиот Македонец испукал повеќе куршуми од пиштол кон Ненад Алајбеговиќ, кој во моментот на нападот се наоѓал во својот автомобил.
Алајбеговиќ, познат по прекарот Алибег, е поранешен водач на навивачката група на „Партизан“, позната како „Гробари“. Српските медиуми наведуваат дека и претходно бил цел на вооружени напади.
Надлежните органи во Србија продолжуваат со постапката за утврдување на сите околности околу нападот и евентуалната одговорност на осомничениот.
Ново на Сител
-

Побаран притвор за охриѓанецот кој ја претепа својата девојка - се товари за три кривични дела
-

Мицкоски со осуда за нападот врз девојката во Охрид: Ќе сториме сè сторителот да одговара пред правдата
-

Попладнево повторно приведен Корабоски – нови околности во случајот
-

Чеферин гостин на Омерагиќ, заедно ќе го следат дуелот Македонија – Словенија
-

МФ: Јавниот долг во 2027, во согласност со ревидираните податоци за БДП, нема да го надмине прагот од 60%
-

Родителите со две ќерки се најсреќни, покажува научна студија на речиси 50.000 луѓе
-

Се подготвуваат законски измени за повратот на ДДВ за компаниите, ќе се прецизираат роковите
-

Минчев: Транспарентноста, отвореноста и отчетноста мора да станат природен начин на работа на институциите
